Mae Menter Ysgolion y Dreftadaeth Gymreig wedi bod bodoli ers dros 35 mlynedd ac mae’n dathlu treftadaeth Cymru yn benodol, a drosglwyddwyd i lawr o’r gorffennol. Mae disgwyl, felly, y bydd prosiectau’n ymwneud, ac yn gwneud cysylltiadau â’r gorffennol hyd yn oed pan fo man cychwyn y prosiect yn ystyriaeth, ymholiad neu thema gyfoes. 

Bydd y beirniaid yn edrych yn arbennig ar y canlynol yn y prosiect a gyflwynir gan bob ysgol:

• Ffocws treftadaeth y prosiect a’r wybodaeth a’r ddealltwriaeth y mae’r disgyblion wedi eu caffael;

• Datblygiad sgiliau ymholi’r dysgwyr; sgiliau meddwl a sgiliau ehangach; 

• Effaith y prosiect ar y dysgwyr a’r gymuned ehangach.  

 

Gwahoddir ysgolion i gyflwyno UN YMGAIS YR YSGOL* Gall hon fod yn brosiect a gwblhawyd gan grŵp bychan o ddisgyblion fel clwb neu un dosbarth. Neu, gall fod yn brosiect sy’n cynnwys gwaith sawl dosbarth neu’r ysgol gyfan, ond os felly mae angen llinyn cyffredin sy’n cysylltu’r prosiect ynghyd ac sy’n rhoi iddo ei deitl, megis thema gyffredin neu ymholiad cyffredin. 

​

*Gall ysgolion gyflwyno nifer o geisiadau EUSTORY gan eu myfyrwyr blynyddoedd 12 ac 13 yn ogystal â phrosiect yn ysgol ei hun.